https://www.mechelsegenealogischebronnen.be/Databank?bestandid=51904&collectieid=57b0bf33-73d6-4c4d-8a52-7b511c0444e6
Volg de link om deze akte op de site van Mechelse Genealogische Bronnen te kunnen bekijken. Wel moet je aldaar eerst (een gratis account aanmaken en) inloggen.
N.B. Een aantal van de door Jan Clavaux genoteerde namen heeft betrekking op de rechterpagina.
1 Voer weesmeesters deser stede van Mechlen
is gecomen Lijsbeth van Urssule weduwe
wijlen Jan Mols ende heeft in puerder
aelmoessen[en] ende om Goides wille opgedragen
5 ende getransporteert en[de] overgegeven tot
behoef van Francen ende Janne Ruts,
gebroeders, natuerlijcke kinderen van Joos
Ruts, alsulcken erffelijcke rente van
tweelff gulden[en] tsjaers als sij hadde en[de]
10 heffende was opte stadt van Antwerpen,
ende in gevalle d’eene van den voirs. kinderen
sterve en[de] aflivich worde, sonder wettich hoer
van sijnen lijve gecomen achter te laten,
soe sal de geheele rente voers. devolveren,
15 toecomen en[de] versterven op d’ander kindt te
lijve blijffende – sterven sij oick allebeyde,
sonder wettich hoer als voire, soe wilt
en[de] begheert sij, Lysbeth voirs., dat d’een helft
van denselver renten alsdan toecomen en[d]e versterven
20 sal den heylighen gheest van Sinte Ro[m]ments
prochie alhier te Mechlen, en[de] d’ander helft
den huysarmen van denselver prochien van Sinte
Ro[m]ments, welcke erffelijcke rente de
voirs. kinderen Ruts ierst nae huer doot
25 aenveerden, hebben en[de] behouden sellen, ende
in gevalle van denselver kinderen doot als
voers. staet, den heyligen gheest en[de] huysarmen
half en[de] half, welck transport voers.
sij, Lysbeth, geloeft heeft o[n]verbrekelijc t’onderhouden[e]
30 en[de] daertegens ni[m]mermeer te doene, te seggen,
noch te comen, opte verbindenisse van allen
haeren goeden die sij nutertijt heeft en[de] noch
hebben en[de] vercrighen sal. Actum et passatu[m]
den naestlesten ja[nuar]ii 1548.
[in de marge:] Ruts