Geëxhibeert den 12en Maart 1733
Wij borgermestere ende raedt in Groeninghen betuygen myt desen openen brieve dattz echtschap ende hylick tusschen Brandt Jacob Tyassens zoen op den /
ham bij Aedvert ende Johan Heynrick Luersema dochter tho Leens, ys bij vrinde raedt gheraempt, ghededinget ende besloten in maniere ende hylicx vorwerden /
als naebschreven. In den eersten dracht up ende ghyfft over Jacob Tyassens sijn zoone Brandt voergescreven den heerdt up den ham den he suslanghe in de huere /
ghehadt hefft, ende sijn voorsz. zoone eede overghegeven hadde myt sijn voervrouwe, groet sijnde omtrent ses ende tsestich grase myt hues ende allet tijm /
mer up dat heem staende tho bodell myt all denghene daertho behoert, als koyen, peerden, suynen, schapen ende alle ander beesten daertho allet reetschup /
totten heerde ende arve behoert ende suslanghe daer tho ghebruycket west ys, neets daervan uutbesundert, uutgesacht een kiste ende trijsoer myt datghene daer- /
inne mach sijn, oick sall Jacob voersz. neet over all van den heerdt replick offt onreplick beholden, ende sal omtrent Paesschen den heerdt als voersz. aloe /
opruemen ende Brandt voergesreven vrij overleveren, uutghenomen ses hundert Embder gulden de Brandt noch schuldich ys sijnre zalighe huysvrouwen vrunden /
des sall Brandt oeck sijn beyde olders alle yaer gheven een halve maerschup botter ende kese, soo langh se beyden leven, dan offt ene van hem beyden /
sterve sall de levendighe beholden de helffte van de boter ende kese, dyt sall Brandtz voersz bodell guet sijn ende met sijn oldaer afflivicheyt sall Brandt in /
alle sijne olderen naghelaten ghuederen gaen tho ghelijcke broeder scheydinghe hyer en teghens gheven Hijnrick Luersma ende altijdt sijn huysfrouwe hoer dochter /
Johan mede tho bole een heerdt landes, ghelegen tho Ulrum myt alle sijnen thobehoer gheheten Haykema Heerdt, van onbelastet van renthe daertho /
dusent Embder gulden de vijff hindert tho betalen up yaer ende dach ende de andere vijff hundert in vijff yaeren daer voert nae, ende noch na Hijnrick /
Luersma ende Alijdt voersz. doet thijn juck landes, ghelegen tho Leens in de noerder valghe up Tyaenster marne daertho een heem tho Leens ghe- /
legen an de oester sijdt vant karckhoff daer Johan Schaffer upt noerden an ghesweten ys ofte Brandt ende Johan voergeschreven tot enighen tijden de voorsz. thyn /
juck landes vertyen offte verkopen wolden, soe sall Hijnrick ende Alijdt Luersma offte hoer zoene Dodo de naeste daertho sijn ende de betalen myt vijff /
hundert dalers ende deselve in vrembden handen nicht brenghen, hyermede sall Johan voorsz. gantz ende heel uuthgelodelt sijn van de vaders en moders ghue- /
deren replick ende onreplick ghene ansprake meer up de thebben voert sijnt hylicxvorwerden storve Johan voer Brandt voorgescreven sunder wytlijke ghe- /
boerte soo soelen alle de voorsz. landen van Johan offte haer olders heerghekomen myt denghene tot hoeren lijve behoert hefft weder nemen daert heer gheko- /
men ende Brandt sall alsdan uuth Johans ghuedt verbetert sijn dre hondert Embder gulden, inghelijken offte Brandt voer Johan storve sunder wytelijke /
gheboerte alsdan sal Johan uut Brandtsz ghuederen verbetert wesen vijff hundert Embder gulden myt de landen voersz. de se an Brandt ghe- /
brarcht hefft daer tho allet tho hoeren lijve behoerende tho ghewonnen ghuederen halff ende halff, weerdt oeck sake daer kyndt offte kynderen /
weren gehwest ende de storven alleer se kynt offte kynderen voert an teelden, alsdan soelen de voersz. landen weder arven daer se heer ghekomen /
sijnt ende alle ander tho ghewonnen tho gewonnen replyke offte un replyke ghuederen, arven an beyden sijden storve oeck eene van Brandt offte /
Johan ende daer bleven dan kyndt offte kynderen levendich, soe sal de langestlevende sijn anghebrachte landen voer uuth beholden. /
Ghegeven in den jaere ons Heren dusent vijffhundert veer ende vijfftich den soeven ende twyntichsten Novembris, soo Olde Johan Hoernken, Johan