Op huyden den 31en December 1663 is comen voor schepenen ondergeschreven Geryt Adriaen Franssen lydt ende bekendt in eenen erffelijcken recht vercocht ende overgegeven te hebben Thonis Corstiaensen, het aengelach van Gryet Duysters soo het selve gelegen is metter eendre sijden Abraham Geryts erve, metter andere sijden ende eynde de straet metten anderen eynde des copers selffs erve ende hij vercooper voorsz. heeft Thonis synen swager voorsz. in dit voorsz. erve gevest ende gegoyt met helminge vertidinge met mannisse des rychters ende met vonnisse der schepenen alsoo als t’slants recht is los ende vrij, uytgenomen den landt- commer ende gelovet vorts te weren als men erve met recht schuldich is te weren op sijnen persoon ende goederen daerjegens soo sullen de andere kinderen oyck soo veel goet daerjegens hebben int aengelach van den voorsz. Geryt gecomen van den naer hun beyder doot, testes Nijs Jan Koolen ende Sijn Bonarts schepenen.