Op huyden den 7 Marty 1640 soe is comen voer schepenen ondergeschreven Wylm Staels ende Jan Tijssen ende bekennen in eenen erffelijcken recht vercocht ende overgegeven te hebben Jannen Hesmans ende sijnen erven naer hun het aengelach van Wilms voorsz. neffens erffenisse Jans voorsz. erve d'ander sijde Jen Aryen metten erve beyde eynden aen die gemeyne straeten met noch een stuck erffs gelegen inde Santbraecken, metter eender sijden Grieten Duysters erve, metten anderen sijde Josten Franssen erve, metten anderen sijde Teunen van Daelen erve, metter ander sijden neffens den steech, noch een stuck erffs gelegen in de Santbraecken neffens erffenisse Gryeten Duysters erve, metter ander sijden Jannen Vrancken erve het eynde Geriten Aryen Franssen erve, meter ander sijde dit voorsz. erve met noch een stuck erffs, genaempt den Boegers Dryes, soe het gelegen is metter eender sijden langhs den Wergraef, metten andre sijden Thijsken Luicas erve, d'ander sijde neffens Jan Vaessen erve ene sij vercoepers voorsz. hebben hun