Op dato voorsz. is comen voor schepenen voorsz. Peter Arts lijdt ende bekendt in eenen erffelijcken recht vercocht ende overgegeven te hebben Joest Anthonis van Achel een stuck lants soe het selve gelegen is metter eender syden Corstiaen Vaesen erve, metter ander syden Metta Geven erve, streckende vorts Jan Dryessen erve, t’eynde Gerart Adriaen Franssen erve ende vorts aen de gemeyn straet ende hij vercoeper voorsz. heeft hem coeper voorsz. in dit voorsz. erve geveest ende gegoyt met helminge, vertidinge, met mannisse des rychters ende met vonnisse der schepenen alsoe als t’slants recht is, los ende vrij, uytgenomen den lantcommer behoudelijck datter op staet achte halff vat roggen aen den heylegen Geest tot Buedel maer sal corten tegen malder 25 gulden aen den coeper ende vorts nar uytwijsens der coepsedele ende hij vercoeper voorsz. heeft hem coeper voorsz.dit voorsz. erve gelooft te weeren als men erve met recht schuldich is te weeren op sijnen persoen ende goederen, actum ut supra
Op huyden den 27en December 1652 is comen voor schepen ondergeschreven Peter Aert Gielens ende bekent hem ten vollen vernuecht ende wel betaelt te wesen van Joest van Achel, testes Jan van Poppel ende Jan Jacops, schepenen.