Op dato voersz. is comen voer schepenen voersz. Peter Heesmans lijdt ende bekendt in eenen erffelijcken recht vercocht ende overgegeven te hebben Jan Gerarts Vereggen, synen swager, een huys metten aengelach met de heesters op de straet ende secker deel inde eyken tegens Teuwens Bogart soe het selve gelegen is metter eender sijden Gerart Franssen erve, metter ander syden Hendryck Otten kinder erve, d’eynde Gerart Hillen erve, metten anderen eijnde voer aen de straet, met noch een stuck lants soo het selve gelegen is metten eender sijden de heyde, metter ander sijden Gerart Franssen erve, d’eynde Gerart Hillen erve, ende Peter voersz. heeft hem Jan voersz. in dit voersz. huys ende erffenissen geveest ende gegoyt met helminge, vertidinge, met mannisse des rychters ende met vonnisse der schepenen alsoe als t’slants recht is, los ende vrij, uuytgenomen den lantcommer ende ofter yet met recht op bevonden worde, sal blijven tot laste vanden coeper, te weten aen de schutterije van Sinte Thonis eenen gulden licht gelt. Anders geloeft Peter voersz. dit voers. huys ende erve te weeren als men erve met recht schuldich is te weeren op sijnen persoen ende alle synen goederen, testes schepenen voersz.
in de kantlijn, pag. 1 Op huyden den 2en December 1653 is comen voer schepenen ondergeschreven Peter Heesmans ende bekendt hem ten vollen vernuecht ende wel betaelt te wesen van dese voersz. coepe van Jan Vereggen, testes Jan Jacops ende mij secretaris.